Абай облысы: Курчатов қаласындағы кафелердің бірінде жарылыс болды, зардап шеккендер бар

Абай облысындағы Курчатов қаласының кафелерінің бірінде жарылыс болды, – деп хабарлайды Semeynews.kz Tengrinews.kz сайтына сілтеме жасап.

Курчатов қаласы әкімінің баспасөз қызметінің хабарлауынша, 12 қараша күні сағат 9.30-да Курчатов қаласының өрт сөндіру бөліміне “Жайлаубай” (арагоста бар) шағын базар ғимаратында газ-ауа қоспасынан жарылыс болғаны хабарлама келіп түскен.

“Курчатов қаласының Төтенше жағдайлар бөлімінің мәліметінше, оқиғаның негізгі нұсқасы-газ-ауа қоспасының жарылысы. Тергеу жүргізілуде. Құрбандар жоқ. “Жайлаубай” базарының ғимараты зардап шекті, Абай көшесі, 31 мекенжайындағы тұрғын үйдің бірнеше терезесі зақымданды”, – деп хабарлады әкімдік.

Курчатов қалалық ауруханасының бас дәрігерінің айтуынша, оқиға салдарынан көшеде тұрған ер адам зардап шеккен.

“Оң жақтағы бел аймағының кесілген жарасы, оған медициналық көмек көрсетілді, содан кейін ол үйге жіберілді, жағдайы қанағаттанарлық. Оқиға орнында ТЖМ, полиция, әкімдік қызметкерлері жұмыс істейді. Жағдай жергілікті атқарушы органдардың бақылауында”, – деді дәрігер.

Semeynews.kz