Абай облысында МӘМС және ТМККК шеңберінде медициналық қызмет көрсету мәселелері бойынша халықпен кездесулер өтуде
Ағымдағы жылдың 27 қазаны мен 2 қарашасында Аягөз және Бородулиха аудандарында бірлескен кездесу өтті, – деп хабарлайды Semeynews.kz.
Кездесуге Абай облысы бойынша “Әлеуметтік медициналық сақтандыру қоры” КЕАҚ филиалының директоры Ғалымжан Әбілов және “Абай облысының Денсаулық сақтау басқармасы” ММ медициналық көмекті ұйымдастыру, ана мен баланы қорғау жөніндегі басшысының орынбасары Гүлназ Таңатарова, сондай-ақ Аягоз ауданының әкімі Сейілбек Ысқақов және Бородулиха ауданы әкімінің орынбасары Н.М.Жақсылықова, сондай-ақ аудандық ауруханалардың бас дәрігерлері қатысты.
Жергілікті атқарушы органдардың өкілдері өңірде міндетті әлеуметтік медициналық сақтандыруды (бұдан әрі МӘМС) іске асыру барысы туралы, ал облыстық денсаулық сақтау басқармасының өкілі ауылдық жерлерде медицинаны дамыту жоспарлары туралы, сондай-ақ медициналық мекемелерді жабдықтармен жарақтандыру туралы айтып берді. Кездесуде Аягөз ауданының емханаларында 65 мыңнан астам адамға қызмет көрсетілетіні, оның 15 пайызы МӘМС жүйесінде сақтандырылмағаны, Бородулиха ауданында 32 мыңнан астам адам тіркелгені, сақтандырылмаған халық 5 мыңнан астам адамды құрағаны атап өтілді, бұл Аягөз ауданына қарағанда 2% – ға артық.
Өз кезегінде, Абай облыстық медициналық сақтандыру Қоры филиалының директоры Ғалымжан Әбілов МӘМС-тің басым бағыттары және ауыл тұрғындары үшін МӘМС активтерімен қаржыландырылатын медициналық қызметтер туралы айтып берді. Қор басшысы Қазақстанда осы жылдың 5 қыркүйегінен бастап жұмыс істей бастаған сақтандырудың жаңа балама әдісіне егжей-тегжейлі тоқталды.
“МӘМС жүйесінде медициналық қызметтердің толық спектрін алу үшін жүйеде сақтандырылу қажет. Төлемнің балама әдісі бір рет төлеуге, бір жыл бұрын мәртебе алуға және қазірдің өзінде қызмет көрсетуге мүмкіндік береді, ал өткен 12 айдағы қарызды өтеудің қажеті жоқ! Пайдалы емес пе!!!”- деп атап өтті ӘМСҚ филиалының басшысы.
Бас дәрігерлер жалпы медициналық ұйымдардың қызметі туралы, халыққа көрсетілетін медициналық көмектің түрлері туралы айтып берді, сондай-ақ аудандардың тұрғындарына емдеу мекемесінде өтуі мүмкін скринингтік зерттеулер туралы еске салды.
Жалпы, халықпен кездесулер сенімді атмосферада өтті. Қатысушылар медициналық қызметтер туралы, МӘМС шеңберінде қандай медициналық мекемелерде медициналық қызметтерді алуға болатындығы, МӘМС жүйесі бойынша төлемді қай банктерде қабылдайтыны, сондай-ақ сақтандырудың мәртебесін тексеру тәсілдері туралы қызығушылық танытты. Айта кетейік, халықпен осындай кездесулер Абай облысының барлық аудан орталықтарында өтуде.
Semeynews.kz
