Семейде Жамақаев көшесі бойындағы сквер жаңғыртылады

Семейдегі Жамақаев көшесіндегі тарих ескерткіштері аллеясының жанында жазушылардың сквері мен дәрігерлердің аллеясы пайда болады. Бұл туралы облыс әкімі Абай Нұрлан Ұранхаев қала бойынша жұмыс сапары барысында айтты, – деп хабарлайды Semeynews.kz.

Өңір басшысы халықтың аз қозғалатын топтары үшін кедергісіз орта құру үшін скверді көтерілген жаяу жүргіншілер өткелдерімен кедергісіз байланыстыру мүмкіндігін қарастыруды тапсырды.

“Бұл учаске жаяу жүргіншілерге арналған. Көше бойында көптеген оқу орындары бар, мысалы, Мұқан Төлебаев атындағы музыка колледжі, мектептер, балабақшалар. Демалуға, шығармашылыққа және спортқа арналған тақырыптық аймақтарды құра отырып, осы скверде жайлы жағдай жасауды қарастырайық. Шахмат пен домино ойнауға арналған үстелдер орнату туралы ұсыныс бар”, – деді аймақ басшысы.

Облыс әкімінің баспасөз қызметі хабарлағандай, аллеяда жаттығу алаңы бар. Алаңнан фаст-фудқа арналған павильондары, шығармашылыққа арналған учаскелері мен орындықтары бар толыққанды жаяу жүргіншілер аймағын жасау жоспарлануда.

Облыс әкімі Нұрлан Ұранхаев биылғы жылы саябақтарды абаттандырудан кейін келесі жылы қала тұрғындары үшін, оның ішінде халықтың мобильділігі төмен топтары үшін жайлы және қауіпсіз кеңістіктер құру бойынша жұмыс жалғасатынын айтты.

Semeynews.kz