Көптен күткен алтын жүлде

2022 жылдың 7-12 қазан аралығында Семейде “Цементник” стадионында 2011 жылы туған ұлдар арасында футболдан “Қаражыра” АҚ жүлдеcінің 10-шы мерейтойлық дәстүрлі халықаралық турнир өтті, – деп хабарлайды Semeynews.kz,

Бұл жолы турнирге Қазақстан, Өзбекстан және Қырғызстаннан келген жас футболшылар қатысты. Ұйымдастырушы – Семей қаласының “Аула клубтары қауымдастығы”.

Ойындар барлық көрермендерді соңғы турға дейін шиеленісте ұстады. Тек соңғы матчтар үш жүлдегерді анықтады. Нәтижесінде: қола жүлдені талдықорғандықтар қанжығасына байласы, күміс елордаға аттанды, ал чемпионат кубогы қазақстандық футболдың отаны – Семейде қалды. Бұған дейін, 2011 жылдан бастап 2 реттен Барнаул, Новосибирск және Ташкент қалалары, 1 реттен – Астана, Алматы және Қарағанды қалаларынан жеңімпаз атанды.

“Аула клубтары қауымдастығының” директоры және “Семей-2011” командасының жаттықтырушысы Тимур Мурсалимовтың айтуынша, “бұл әр түрлі елдердің балалары бір қалада жиналып, жеңіске деген ынтасы мен ерік-жігерін көрсетіп қана қоймай, футбол мектептерінің футбол шеберлігінің әртүрлі жақтарын көрсететін бірегей турнир болды”.

Жарыс қорытындысы бойынша турнирдің үздік ойыншылары анықталды:

– қақпашы Қабдылғазезов Ерназ “Елімай” (Қазақстан).

– қорғаушы Нұрмұқан Исмаил “№ 8 спорт мектебі” (Қазақстан),

– жартылай қорғаушы Қазыбаев Айдын “Дордой” (Қырғызстан),

-шабуылшы Миселев Артем “Семей-2” (Қазақстан),

– бомбардир Батырханов Фарух “Бунедкор” (Өзбекстан),

– “Семей-1” Дулатұлы Ерасыл турнирінің ойыншысы (Қазақстан).

Сондай-ақ, турнир барысында футбол конкурстары өтті, жеңімпаздар бағалы сыйлықтармен және грамоталармен марапатталды.

Марапаттау рәсімінде “Қаражыра” АҚ басшылығы турнирдің жүлдегерлері мен жеңімпаздарына кубоктар, медальдар мен дипломдар табыстады, ал қалған барлық қатысушылар белсенді қатысқаны үшін сыйлықтарға ие болды.

Келесі жылы 11-ші халықаралық турнирге Ресей мен Тәжікстанның жас футболшылары қатысады, олар әртүрлі себептермен мерейтойлық жарыстарға келе алмады..

Semeynews.kz