Абай пайдаланған бірегей фарфор пиала Абай музейінде сақталуда

Семейде қазақтың ұлы ақыны, философ және ойшылы Абай Құнанбаевқа тиесілі фарфор пиала Абай музейінде сақталуда, – деп хабарлайды Semeynews.kz.

Жәдігер бірнеше ондаған жылдар бойы Абайдың әдеби-мемориалдық музейінің қорында болды. “XIX ғасырдағы фарфордан жасалған бұйымдар” көрмесіне дайындық барысында мамандар пиаланы көпшілік назарына ұсынуға шешім қабылдады. Шыныаяққа деген қызығушылық оның бір кездері сынғанына байланысты болды. Алайда, белгісіз шебер арнайы металл бекіткіштердің көмегімен ыдысты қалпына келтіре білген.

“Шебер пиаланы металл жиекпен және тік бекітпелермен желімдеп, белдеген. Сонымен қатар, шебер оны адамдар жарақат алмайтындай етіп жасады және оны қазірдің өзінде де пайдалануға болады. Шебер екі материалды – металл мен фарфорды біріктірді. Пиаланы сындырмай қалай жасағаны сол беті жұмбақ күйінде қалып отыр. Шынында да, сол кездері қазақтар фарфор бұйымдарын жасай алмады, ал ыдыс-аяқ өте қымбат бағаланды. Сондықтан абайсызда сынған жағдайда оларды осылайша қалпына келтіруге болады”, – деп түсіндірді музей директорының ғылыми жұмыс жөніндегі орынбасары Мейрамгүл Қайрамбаева.

Сарапшылар ғажайып пиаланың өз қорларына қалай түскенін анықтады. 1885 жылы Абай жер аударылған орыс зерттеушісі Нифонт Долгополовқа қазақтардың өміріне қатысты 60-тан астам затты тапсырғаны белгілі болды. Олардың арасында сол сынған пиалада болды. Содан кейін Долгополов экспонаттарды сақтау үшін өлкетану музейіне табыстады және тек 1964 жылы ғана пиала ойшылдың музейіне берілді.

Semeynews.kz