Семей қаласындағв Абай атындағы облыстық кітапханада Тоғжан Қасенованың “Атом уланған дала: Қазақстанның бомбадан бас тарту жолы” (Atomic Steppe: How Kazakhstan gave Up the Bomb) кітабының тұсаукесері өтті, – деп хабарлайды Semeynews.kz.
Кітап АҚШ-та жарық көрді. Тоғжан Қасенова – саясаттану ғылымдарының докторы, ядролық қауіпсіздік жөніндегі маман, Олбанидегі Нью-Йорк мемлекеттік университетінің аға ғылыми қызметкері және халықаралық бейбітшілік үшін Карнеги қорының ғылыми қызметкері. Ол Алматыда дүниеге келген, оның ата-анасы Семей қаласының тумасы. Ядролық саясаттың маманы болып, бұл миссия өзінікі екенін түсінді.
Автор кітаппен жұмысты 15 жыл бұрын бастаған. Еңбегі екі бөлімнен тұрады: бірінші бөлім – кеңестік кезеңге арналған, сынақтар мен осы сынақтарға қарсы күреске қатысты. Ал екінші бөлім – саясатқа арналған: Қазақстан көптеген елдермен қалай келіссөздер жүргізді және ядролық қарудан қалай бас тартуға шешім қабылдағаны туралы.
Өз туындысында автор 1956 жылдан бастап Кеңес Одағының жоғарғы билік органдарына жолдаған үндеулерімен полигонда жүргізіліп жатқан ядролық сынақтардың өңір халқының және оған іргелес жатқан басқа облыстардың денсаулығына қалай кері әсерін тигізетініне назар аударуға тырысқан Семей облысының бірінші басшыларының рөлін ерекше атап өтті. “Невада-Семей” антиядролық қозғалысының қызметіне, ауқымды проблемаға назар аударуға тырысқан қоғам белсенділеріне ерекше назар аударылды.
Алғашында ағылшын тілінде жарық көрген кітап Қазақстандағы Фридрих Эберт қорының көмегімен қазақ тіліне 500 дана тиражбен аударылған.
Semeynews.kz
