Семейде “Semey Open 2022” республикалық турнирі басталды

Семейде “Semey Open 2022″республикалық турнирі басталды,- деп хабарлайды Semeynews.kz.

Қала күніне орай “Семей қаласының ішкі саясат бөлімінің” әлеуметтік тапсырысы аясында “Шығыс жастары” ҚҚ ұйымдастыруымен Семей қаласы әкімінің кубогына арналған “Semey Open 2022” республикалық турнирі басталды. Турнирдің ашылу салтанаты дөңгелек үстел форматында өтті, онда қаламыздың жас ғалымдары қатысушыларға қаланың тарихы туралы айтып, өз зерттеулерімен бөлісті.

Турнирге еліміздің 5 өңірінен: Қарағанды, Павлодар, Қостанай, Астана және Өскеменнен барлығы 64 пікірсайысшы қатысады. Турнир қорытындысы бойынша жеңімпаздарға ақшалай сыйлықтар беріледі.

Semeynews.kz