Семейде Ф.М.Достоевский атындағы орыс драма театрында 23 қыркүйектен бастап жаңа маусым басталады

Ф.М.Достоевский атындағы орыс драма театрының жаңа маусымы Н.Лесковтың «Леди Макбет Мценского уезда» шығармасы бойынша «Леди Макбет» спектаклінің тұсаукесерімен ашылады, – деп хабарлайды Semeynews.kz.

Қойылым режиссері Олег Плаксин.

24 – 25 қыркүйекте өздерінің сүйікті актерлерін сағынған, театр өнерін сүйетін жандар қайтадан Мельпомена ғибадатханасының қабырғасында болып, сезімдер мен эмоциялар әлеміне еніп, жұмыс күндерінен демала алады.

Мәскеулік режиссер Олег Плаксин «Милый друг», «Безымянная звезда», «Дядюшкин сон», «Вероника», «Трактирщица», «Банкрот» және басқа да спектакльдерімен танымал. Енді көрерменнің назарына «Леди Макбет» қылмыстық драмасы ұсынылады.

Қазір уақытта алдағы премьераға қызу дайындық жүріп жатыр, бірақ режиссер Олег Плаксин біздің ақпараттық агенттікке сұхбат беруге уақыт тапты.

– Неліктен Николай Лесковтың «Леди Макбет» шығармасын таңдадыңыз, идея бұрыннан бері пайда болды ма, әлде кенеттен пайда болды ма?

• Ұзақ уақыт бойы біз театр басшылығымен Лесковтың шығармасына қайта оралдық, бірақ басқа да материалдарды іріктеп алдық. Шамасы, қазір уақыт келді, бүгін Катерина Измайлова мені кейіпкер ретінде қызықтырады, мен дәл осы жағдайды, осы кейіпкерді, осы мәселені, автордың қойған сұрақтарын қарастырғым келеді. Театр әрқашан жанрға қарамастан адам үшін болады. Әйтпесе, театр өмір сүруін тоқтатады, ол адамдар үшін адамдардың жаратылысы ретінде пайда болды, ол біздің бір жерде жиналуымыз үшін бар, сондықтан біздің ұжымдық тыныс алуымызда және біздің көз алдымызда болып жатқан оқиғаларды түсінуде біз өз әрекеттеріміз бен қарым – қатынастарымыз туралы ойланамыз, – деп жауап береді режиссер.

Олег Плаксиннің қойылымында Катерина Измайлова рөлін Анастасия Малицкая мен Зарина Левицкая, Катеринаның күйеуін Андрей Глушков пен Александр Сухов, ал кейіпкердің сүйіктісі Сергейді Ярослав Жуков пен Вячеслав Макеев сомдайды.

– Сіз қылмыстық жанрда жұмыс істеп көрдіңіз бе?

• Мен бұл жанрмен алғаш рет жұмыс жасаудамын. Бүгін кинода немесе театрда нақты оқиғаларға негізделген қылмыстық драма қазіргі уақытты көрсетеді және нақты қылмыстық оқиғалар осы жерде және қазір болуы мүмкін дегенді білдіреді. Шығарма жанры Лесков дәуірінде болған нақты фактілерді де көрсетеді. Шығармада болып жатқан оқиғалар және бұл жас әйел жасаған бес кісіні өлтіру трагедияға да тән және сөзсіз қылмыстық оқиғаға жатады. Лесковтың Шекспирге, тіпті ” Леди Макбет Мценского уезда” деген атпен де сілтеме жасайтыны таңқаларлық емес, сондықтан біз осы екі әйелдің мінез-құлқын еріксіз байланыстырамыз және олардың бұл кісі өлтірулерін не үшін жасайтындары туралы ойланамыз, – деп бөлісті Олег Плаксин.

– Достоевский атындағы театрда қойылған спектакльдеріңіздің қайсысын сіз өзіңізді сәтті деп есептейсіз, өйткені шығармашылық адамдар сахнада не болғанына әрдайым риза емес пе?

• Соңына дейін риза болу мүмкін емес. Әдетте, жоспар әрқашан бай және кеңірек болады. Егер сіз оны кем дегенде жартысын жүзеге асыра алсаңыз, онда мен қуаныштымын. Театр – бұл әрқашан өзгерістер болып тұратын тірі процесс. Әрқашан жаңа идеялар пайда болады, бұрын күдіктенбеген нәрсе ашылады. Әр спектакль өздігімен қымбат, өйткені әр жолы сіз оған барлық нәрсені және қазіргі кездегі шындықты түсінуіңізді саласыз. Әрине, біздің жұмысымыз көрермен үшін қажет және маңызды болған кезде біз әрқашан қуаныштымыз.

– Алдағы премьераға қандай жаңалықтар енгізуді жоспарлап отырсыз? Көрерменді таң қалдыратын нәрсе бар шығар?

• Біз көрерменді таңдандыру міндетін қоймаймыз. Сірә, біз оны мәңгілік сұрақтар туралы ойлауға шақырамыз  – «Махаббат деген не? Бұл не – махаббат немесе құмарлық? Сіз қымбат нәрсені, сүйетін нәрсені, не нәрсеге тәуелді екеніңізді қорғап, қандай шекке жете аласыз?». Адамды айыптау өте оңай. Күнәсі жоқ адам мені таспен ұрсын. Спектакльдің эмоцияға толы болғанын қалар едік және біз осы бағытта жұмыс істейміз. Біздің міндетіміз – жоғарыда аталған сұрақтарға жауап беру емес, көрермендерге өздері туралы ойлануға кеңес беру: «Мен бұл жағдайда қалай әрекет етемін? Менің орным қайда? Мен қалай өмір сүруім керек?». Біз тарихты көп қырлы түрде жеткізе аламыз деп үміттенемін, ал жақсылық пен жамандықтың арасындағы шекараны әркім өзі анықтайды. Достоевский айтқандай, ол әрқашан адамдардың жүрегінен өтеді.

– Спектакльге дайындыққа бір айға жуық уақыт болды, актерлерге ең қиыны не? Сіз олардан бірінші кезекте не талап етесіз?

• Бұл талантты және ақылды директор Яков Вениаминович Горельников жетекшілік ететін керемет театр, мен оған тағыда шақырғаны үшін ризамын. Директордың арқасында Ф.М.Достоевский атындағы театрдың дәстүрлері және театр қойылымдарына деген қызығушылық сақталуда. Осы театр мен үшін туғаныма айналды және мен әрқашан қуана келемін, өйткені бізде ұжыммен толық түсіністік бар. Біз бір тілде сөйлейміз және біздің міндетіміз – қандай-да бір байланыс табу емес, шығарманың идеясын мүмкіндігінше дәл білдіру және оны қазіргі көрермен үшін ұсыну. Бұл әрқашан өте қиын. Сезімдер, тілектерді көрерменге жеткізу. Біз осымен айналысудамыз, сәтті жасағанымызды – көрерменшешеді, – деді Олег Плаксин.

– Режиссер Рача Махатаев өз спектакльдерінде тарих оқиғалары орын алатын уақыт пен қазіргі уақытты жиі үйлестіреді. Мысалы, ол заманауи музыканы қолданады, немесе, есімде, актерлер Пушкиннің «Онегинін» рэп жанрында оқыды. Сіз бұған қалай қарайсыз? Көрерменді өткен уақыттың атмосферасына толығымен матыруды ұнатасыз ба немесе біздің шындыққа бейімдеуге тырысасыз ба?

• Қандай да бір спектакльде костюмнің егжей-тегжейін сақтап қалу өте маңызды, бірақ бұл қойылымда біз автор дәуірін тура ұстанудан аулақ боламыз. Спектакль бүгінгі көрерменге арналған, бәлкім, жастарға да көбірек арналған шығар, өйткені біздің кейіпкеріміз небәрі жиырма төрт жаста! Сондықтан біз заманауи музыканы, танымал бейнелер мен бөлшектерді қолданамыз, – деп жауап береді режиссер.

– Сіз Лесковтың ерекше, қызықты тілі бар деп айттыңыз. Сіз оны спектакльде сақтайсыз ба?

• Біз автордың стилін сақтауға тырысамыз. Әрине, бәрін сахнаға көшіру мүмкін емес, өйткені проза – ол проза, ал театр – бұл театр, сондықтан барлық сипаттамалық сәттерді тура жеткізу мүмкін емес. Бірақ автордың тілін сақтау, оның ойы мен оқиғаларды көрсету тәсілі, әрине, біз үшін маңызды міндеттердің бірі. Ең бастысы-спектакльді көріп, шығарманы қайта оқығысы келетін көрерменнің қызығушылығын ояту.

Лесковтың шығармалары әрқашан қызықты және назар аудартады. ” Леди Макбет Мценского уезда” ойлаушы көрерменді бей-жай қалдырмауы керек. Олег Плаксин кез-келген басқа туындылары сияқты бұл үшін бар күшін салады.

• Бізде күн сайын белгілі бір жағдайлар болып тұрады. Бұл бізге қандай да болмасын әсер етеді. Әрқайсымызға. Әсіресе, бүгінгі күні, бәрі соншалықты тығыздалған және жылдамдатылған кезде. Бірақ егер мұқият көрермен келіп, оны қоршаған адамдар мен оқиғаларға сезімтал болса, бұл біздің спектакльді қабылдау үшін жеткілікті болады.

Семейліктер премьераны асыға күтуде, алғашқы екі күніне билеттер толық сатылып кетті. Билет сатып ала алмаған көрермендердің өтініші бойынша театр басшылығы тағы бір премьераны – 23 қыркүйекте тағайындады.

Semeynews.kz