Семейде балалар футбол турнирі өтеді

Абай облысының құрылуына, Мұхтар Әуезовтің 125 жылдығына және қала күніне арналған спорттық іс-шара өтеді, – деп хабарлайды Semeynews.kz.

Турнирге 2013-2014 жылдары туған жас футболшылар қатысады. Олар “Семей” футбол орталығы мен қаланың жеке меншік футбол мектептерінің тәрбиеленушілері.

Сегіз командадан тұратын кішкентай спортшылар әдемі ойын көрсетіп, өздерінің кумирі Самат Смаковпен кездеседі.

Ұйымдастырушылардың айтуынша, турнир қалалық деңгейде өтеді, бірақ жыл сайын жанкүйерлердің саны артып келе жатқанын ескере отырып, турнир болашақта облыстық деңгейде өткізіліп, дәстүрге айналуы мүмкін. Бұл футболға барудың себебі ғана емес, сонымен бірге демалыс күнін бүкіл отбасымен өткізуге жақсы мүмкіндік. Футболдан басқа, ойындар мен конкурстар өтеді.

Іс-шара осы сенбі күні 18 қыркүйекте “Спартак” стадионында өтеді. Басталуы 14.00. Кіру тегін.

Semeynews.kz