Абай облысының Ақсуат ауданында дала өрті тіркелді

Абай облысының Ақсуат ауданында дала өрті орын алды, қазіргі уақытта тілсіз жау ауыздықталды, – деп хабарлайды Semeynews.kz.

Абай облыстық ТЖД баспасөз қызметінің хабарлауынша 7 қыркүйекте Ақсуат ауданының Кіндікті ауылдық округінде сағат 11:20-да “Көктұмар” учаскесінде 60 га алаңда дала өрті орын алды, сондай – ақ “Өтебай” учаскесінде 320 орам шөп өртенді.

Тілсіз жаумен күресуге ТЖД жеке құрамынан 7 адам және 2 бірліктегі техника, жергілікті атқарушы органдардан 13 адам, 4 бірліктегі техника жұмылдырылды. Өрт сағат 8 қыркүйек күні 05 сағат 55 минутта жойылды.

Semeynews.kz