Семей тұрғыны жиендерін құтқарып, өзі суға батып кетті

Семей қаласының тұрғыны суға батып бара жатқан жиендерін өз өмірінің құнымен құтқарып қалды, – деп хабарлайды Semeynews.kz.

ТЖД баспасөз қызметінің хабарлауынша, 15 тамызда сағат 15:45-те диспетчер пультіне ер адамның Ертіс өзеніне батып кеткені туралы хабарлама келіп түсті. Оқиға орнына келгеннен кейін 42 жастағы қала тұрғыны жиендерімен бірге Семипалатинка арнасына келіп, балық аулау үшін аралға өтуге шешім қабылдағаны анықталды.

“Өзеннен өту барысында балалар негізгі арнадан өту кезінде бата бастаған, ер адам оларды таяз суға итеріп жіберді, осылайша балаларды құтқарды, бірақ өкінішке орай ол су астында қалды. Сағат 16:23-те Семей қ. ЖҚБ СП — 7 қызметкерлері келіп, денесін жағаға шығарды”, – деп түсіндірді ТЖД-да.

Облыстық ТЖД судағы қауіпсіздік ережелерін сақтау қажеттілігін еске салады.

Semeynews.kz