Абай облысындағы шенеуніктердің қателігінен футбол алаңы бір ауылдан екінші ауылға өтіп кетті
Абай облысының Восход кентінде жақын арада жаңа футбол алаңы пайда болады. Шенеуніктердің жіберген қателігіне байланысты. Жергілікті билік Водный ауылында футбол алаңын салуды жоспарлады, бірақ құжаттағы қателікке байланысты алаң Восход ауылына «өтіп кетті». Бұл туралы кенттің проблемалары бойынша қоғамдық тыңдауда Семей қаласының тұрғын үй-коммуналдық шаруашылық және тұрғын үй инспекциясы бөлімінің басшысы Амантай Өтелбаев мәлімдеді, деп хабарлайды Semeynews.kz.
«Водный кентінде футбол алаңын салу жоспарланған болатын. Бірақ бюджеттік өтінімді жазу кезінде бөлім маманы қателескен. Әдетте біз барлық жерде Восход кенті туралы жазатындықтан, Водный сырт қалды. Яғни, құжаттамада «Водный» орнына «Восход» жазылып, футбол алаңы автоматты түрде Восход кентіне «кетті». Ақша бөлінді, бюджеттік өтінім ресімделді, конкурс жарияланды. Әрине, енді Восход кентінде футбол алаңы салынады», – деді Амантай Өтелбаев.
Дегенмен, бөлімде ешқандай проблема көріп тұрған жоқ.
«Алаң басқа кентке кетпейді, олар жақын жерде орналасқан», – деді Амантай Өтелбаев.
Тұрғындар ТКШ мамандарының жұмысына деген осындай көзқарасқа наразы.
«Бұл түсінбейтін жағдай. ТКШ бөлімі мен әкімдік мамандары екі ауылдың арасындағы айырмашылықты білмейді және түсінбейді ме. Олар қаланың қай ауылдардан тұратынын және Восход кенті мен Водный кентінің айырмашылығы неде екенін білмейді ме. Бұл күлкілі. Алаң көп ақша тұрады, әңгіме ондаған миллион теңге туралы болып отыр. Неліктен бұл ақша шенеуніктердің өздері жоспарлаған жерге бармайды? Соншалықты шенеуніктердің сауаттылығы төмен деңгейде ме», – дейді тұрғындар мен қоғам белсенділері.
Восход кентінде де демеушілік қаражат есебінен футбол алаңын салу керек болды. Алайда, мұндай проблемалар болды. Алаңды өткен жылы салуға уәде берілді, бірақ құрылыс жұмыстары басталған жоқ. «Qazaq-Astyk Group» ЖШС демеушілік ұйымының өкілдері тыңдауда олар алаң құра алатынын мәлімдеді, алайда әкімдікпен шешілмеген мәселелерге байланысты жұмыс басталмады. Өйткені, бүгінгі күнге дейін коммуникацияларды кім жүргізеді және осы алаңға кім жауапты болады деген сұрақ туындады. Олар мәселені әрі қарай келіссөздермен шешуге уәде береді, бірақ бұл қанша уақытқа созылатыны белгісіз.
Semeynews.kz
