Биыл Семейде аспалы көпір астында қала тұрғындарының және қала қонақтарының бос уақыттарын өткізуге арналған уоркаут – аймағы, стрит-арт, скейт-парк және паркур-алаң орналасқан жаңа қоғамдық орын пайда болады, – деп хабарлайды Semeynews.kz облыс әкімінің баспасөз қызметіне сілтеме жасап.
Семейдің оң жағалауында атақты аспалы көпір астында қала тұрғындары мен қонақтары үшін тартымды орын болатын алаң құру жоспарлануда. Алдағы айларда сұр бетон бағандар мен қабырғаларды көше өнері стилінде ашық түстермен бояу жоспарлануда. Бұл мәдени және спорттық тақырыптардағы граффити, плакаттар мен трафареттер болады.
Көпір астындағы кеңістік бөліктерге бөлінеді: спорттық және балалар ойыны алаңы. Спорттық аймақта стритбол алаңы, көше фитнесімен және кроссфитпен айналысуға арналған аймақ болады. Сондай-ақ, жасөспірімдерге арналған белсенді аймақта скейт-парк пен паркур алаңын салу жоспарлануда. Кішкентай балалар үшін балалар ойын кешендерін, әткеншектер, теңгермелер мен шағын скалодромдар орнату жоспарланған.
Сондай-ақ, жасанды көгалдар ұйымдастыру қарастырылған. Ал Ертіс өзенінің жағалауына жақын жерде үстелдері мен бар орналастырылған көше тамақтандыру павильондары орналасатын болады. Олардың бәрінде жарықтандыру және сыртқы жиһаздар орнатылатын болады.
Көпір астында аймақты толықтай көгалдандыру жоспарлануда. Бұдан басқа, халықтың қауіпсіздігін қамтамасыз ететін, жүріп-тұруы ыңғайлы болуы үшін биік жаяу жүргіншілер өткелдерін орнату жоспарлануда.
Жаңа қоғамдық кеңістіктің жалпы ауданы – 3500 шаршы метр. Айта кетейік, аумақты демеушілер қаражаты есебінен абаттандыратын болады.
Абай облысының әкімі Нұрлан Ұранхаевтың айтуынша, Семей тұрғындары мен қонақтары үшін ыңғайлы тартылыс орындарын құру жоспарланған.
— Ағымдағы жылы 12 жаңа қоғамдық кеңістік құру жоспарлануда. Біріншіден, жайлы қалалық орта адамның мінез-құлқын, мәдениетін қалыптастырады. Келісіңіз, қайда таза және жайлы, ешкім ол жерді ластағысы келмейді. Екіншіден, бұрын бос қалған жер демалыс орны немесе бұқаралық спортты дамыту орталығы бола алады. Біздің міндетіміз – азаматтардың барлық санаттарына спортпен шұғылдануға жағдай жасау.
Көпір астындағы кеңістіктің артықшылығы, сіз кез-келген ауа-райында бос уақытыңызды өткізе аласыз. Сонымен қатар, облыс әкімдігінің баспасөз қызметінің хабарлауынша, қала тұрғындарын қолжетімді бұқаралық спортқа тарту үшін қысқы қоғамдық кеңістіктер құру мәселесін қарастыру жоспарланған.
Semeynews.kz
