Емтихан қабылдау және жүргізуші куәліктерін беру қағидаларына сәйкес,
көлік құралдарын басқарудың қосымша санаттарын алу үшін автомектепте оқудан өту, «Мемлекеттік корпорация» КЕАҚ «Азаматтарға арналған үкімет» филиалдарында теориялық және практикалық емтихандар тапсыру, сондай-ақ көлік құралдары жүргізушілерінің медициналық тексеруден өткені туралы 073у нысанындағы анықтаманы ұсыну қажет. Бұл ретте «С» немесе «D» сияқты санаттарды және «D1» кіші санатын алу үшін жүргізушінің жұмыс өтілі және тиісті жасы болуы қажет екенін ескеру қажет.
«С» санатын және «D1» кіші санатын алу үшін кемінде 3 жыл жүргізушілік жұмыс өтілі, оның ішінде кемінде 1 жыл «С1» кіші санатына жататын көлік құралдарын басқару өтілі қажет. Бұл санаттар жиырма бір жасқа толған адамдарға беріледі.
«D» және «Tb» санаттарын алу үшін жүргізушінің жұмыс өтілі кемінде 5 жылды, оның ішінде «D1» кіші санатына жататын көлік құралдарын басқару өтілі кемінде 3 жылды құрауы тиіс. Бұл санаттар жиырма бес жасқа толған адамдарға беріледі.
«ВЕ», «СЕ» немесе «DE» көлік құралдарының құрамдарын басқарудың қосымша санаттарын алу үшін «В», «С» немесе «D» санаттарына сәйкес кемінде 12 ай ішінде көлік құралдарын жүргізу құқығының болуы қажет. Жүргізуші ретінде жұмыс өтілі талап етілмейді.
Айта кетейік, жүргізуші куәлігін беру үшін мемлекеттік баж 3828,75 теңгені құрайды.
Semeynews.kz
