ШҚО бойынша ҚАЖ департаменті баспасөз қызметінің хабарлауынша, өңір аумағында елік атқан ер адамның сот үкімімен бір жарым жылға бас бостандығы шектеліп, пробация есебіне алынды.
– Ол елік атып, мемлекетке 2,5 млн теңгеге жуық материалдық залал келтірді. Осылайша қылмыстық құқық бұзушылық жасағаны үшін алдағы бір жарым жыл бойы пробация бақылауында болады, – деді пробация бастығы Ермек Енсенов.
Жаза өтеу кезінде сотталған тарапынан құқық бұзушылық болған жоқ. Пробация қызметкерлері жазасын өтеушімен үнемі профилактикалық жұмыс жүргізуде.
Semeynews.kz
