Зоя Космодемьянская туралы фильм соғыс жылдарында Семейде түсірілді

Бұнын дәлелі ШҚО Семей қаласындағы Қазіргі заман тарихын құжаттандыру орталығында сақталған мұрағаттық құжаттар мен фотосуреттер, деп хабарлайды Semeynews.kz.

Соғыс жылдарында кинотеатрлардың репертуарының маңызы зор болды. Киноиндустрия қызметкерлері соғыс жылдарында бәрімен тең дәрежеде еңбек етті, осылайша олар өз шығармашылықтарымен жеңіс күнін жақындатты. Қазақстан КП(б) ОК шешімімен кинокартинаның барлық репертуарлары қаралып шықты. Кинотеатрларда Отан соғысындағы тапсырмалармен тікелей байланысы бар, еңбекші халықтың патриоттық сезімдерін көтеретін фильмдер көрсетіліп жатты. Кинотеатрлардың жұмысымен қатар жылжымалы киноларда үлкен жұмыс атқарды, олар облыстар мен аудандарды аралап фильмдер көрсетті. Семей облыстық кинематография басқармасы бастығының міндеттерін атқарушы Кудренконың, 1943 жылғы кино желісінің нәтижесі туралы баянжазбасында, жабдықтардың жетіспеушілігіне, кино жүйе жұмыскерлерін тамақтандыру және киіндіруде туындаған қиындықтарға қарамастан, кинотеатрлар және жылжымалы кинотеатрлар толтырулар мен қаражат жинай бойынша жоспарды артық орындағаны айтылған. 1943 жылдың 11 айы ішінде 668,9 мың рубль көлемінде таза табыс түскен.

Сол уақыттағы мағыналы және ұмытылмас болған, Кеңес Одағының Батыры Зоя Космодемьянская туралы кинокартинаның орасан зор саяси маңыздылығын ескере отырып, біздің қаламызда «Зоя» кинокартинасының қысқы табиғаты түсірілімдерін түсіруді ұйымдастыруға шешім қабылданды. Семей қалалық еңбекші депутаттар кеңесі, қиыншылықтарға қарамастан, 1943 жылдығ 15 ақпанынан 15 сәуірі аралығында қаламызға келген киноэкспедиция үшін бөрене ағаштан салынған 6 декоративті орыс үйінен тұратын ауыл тұрғызуға, 6 жылқы беруге сонымен қатар кинокартинаның павильонды түсірімдерін электр жарығымен қамтамасыз етуге өкім шығарды. Соғыс жылдарында біздің қаламызда орналасқан Тамбов жаяу әскерлер училищесі ышнайы картина түсіруге қажетті тікенді сым, танкі және басқа да әскери мүліктер бөлді, түсірілім ұжымын тұрғылықты орынжаймен қамтамасыз етті. «Зоя» фильмі 1943 жылы шықты. Зоя Космодемьянскаяның рөлін В.Водяницкая сомдады, режиссері – Л.Арнштам.

Соғыс жылдарындағы қиындықтарға қарамастан қала өмір сүруін жалғастырды. Абай музейі өз жұмысын тоқтатпады, ұжымдық экскурсиялар ұйымдастырылды, лекциялар жүргізілді, Абай және қазақ әдебиеті туралы баяндамалар жасалды. Сонымен қатар музей Ұлы Отан соғысына арналған көрмелер өткізді. 1943 жылдың 10 тамызында Абай Құнанбаевтың туғанына 100 жыл толуына арналған салтанатты іс-шара өткізді.

Semeynews.kz