ШҚО ТЖД баспасөз қызметінің хабарлауынша, Риддер қаласында, Колчин көшесіндегі жеке тұрғын үй өртенген. Оқиға орнына өрт сөндірушілер шұғыл келіп жетті.
«Үйдегі жеке заттары, жиһаздары және еденнің ағаш құрылымдары өртке оранған. Барлау жүргізген №1 мамандандырылған өрт сөндіру бөлімінің қызметкерлері 39 жастағы үй иесін тауып, сыртқа алып шықты. Жедел жәрдем дәрігерлері сол аяғы күйген ер адамды бірден қалалық ауруханаға жеткізді», – делінген баспасөз хабарламасында.
Құтқарушылармен 35 шаршы метр алаңдағы тілсіз жау құрықталды. Алдын ала мәлімет бойынша өртті шығуына отты абайсыз қолдану себеп болған.
Semeynews.kz
