–Өткен жылы республикалық маңызы бар РФ шекарасы (Омбыға)-Майқапшағай автожолы құрылысының жобасы бойынша техникалық – экономикалық негіздеме әзірленді. Оң сипаттағы қорытынды 2021 жылдың наурыз айында алынды. Бас жо балаушы-“Жол-көлік кешенінің басшы қызметкерлерінің біліктілігін арттыру институты”ЖШС. ТЭН әзірлеу құны 55 млн теңгені құрады, – деді Ерлан Уәлиев.
Бас жоспарға сәйкес, ұзындығы 51,5 км айналма жол қаланың батыс жағында қарастырылған. Онда 6 жол айрығы, 3 көпір және 2 жол өтпесі орналасады. Құрылыс құны 82 млрд теңгені құрайды. Құрылыс бойынша техникалық-экономикалық негіздеме ЖСҚ-ны одан әрі әзірлеу үшін Индустрия және инфрақұрылымдық даму министрлігінің Автомобиль жолдары комитетіне жіберілді.
Кездесуде жер үсті өткелінің құрылысы туралы да айтылды.
– Жобаланған жаяу жүргіншілер көпірінің ұзындығы 58 метрді құрайды. Жоба құны – 133,215 млн теңге. Қазіргі уақытта ақшалай қаражат бөлу талап етіледі. Сондай-ақ, Өскемен көшесін (Чайжунусов көшесінен 6 линия көшесіне дейін) күрделі жөндеу жоспарлануда. Жол учаскесінің ұзындығы 2 км құрайды. Оның құны – 1122,6 млн теңге. Байқау ағымдағы жылдың 30 наурызында аяқталады, – деп түйіндеді Ерлан Уәлиев.
Semeynews.kz
