Желіде видео тарады. Онда мас ер адам учаскелік полиция қызметкерлерімен арадағы дау-дамайды телефонға түсіреді. Ол ашық түрде арандатады әрі полиция қызметкерлерінің өтінішіне былай жауап береді:
“Сіз” деп? Мен – сенің бастығыңмын, саған жалақы төлеймін … Сен мен төлейтін салықтардан нан жеп отырсың. Ай сайын жалақы төлеймін. Мен – сенің қожайыныңмын. Қалай? Қызметші бастығымен неге осылай сөйлеседі?” – дейді ер адам.
Содан кейін ер адам полиция қызметкерінен аяғын есігінен тартуды, сондай-ақ, бетпердесін алып тастауды талап етеді.
“Аяғыңызды тартыңыз, бұл – менің меншігім”, – дейді ер адам.
“Адам сияқты сөйлесейік. Атыңыз кім?”- дейді учаскелік полиция қызметкері.
“Менің атым? Патша Роман Александрович. Патша, патша, естіп тұрсың ба, қызметші? Сен – менің қызметшімсің, мен саған ақша төлеймін. Егер мен болмасам, нан жемес едің”, – дейді ол.
Өскемен қаласының Полиция басқармасы бұл оқиға қалада болғанын растады. Видеодағы қызметкер – Ертіс аудандық Полиция бөлімінің учаскелік полиция капитаны Алексей Баландин. 20 қаңтарға қараған түні ол кезекшілікте болған. Полицияға көршілерінен тыныштықтарын бұзғанын айтқан шағымдар түскен. Сондай-ақ, сол кеште Алексейдің қызуы көтеріліп тұрған.
“Келген кезде бізге мас адам есік ашып, камераға түсіре бастады. Күн сайын осындай жағдайға тап боламыз және басты міндетіміз – азаматтардың тыныштығын қорғау әрі қандай да бір оқиғаның алдын алу”, – деп түсіндірді Алексей Баландин.
Өскемен қаласының Полиция басқармасы өкілі бұл азаматқа қатысты ҚР ӘҚБтК-нің 437-бабы (“Тыныштықты бұзу”) бойынша әкімшілік хаттама толтырылғанын, оның санкциясы бестен онға дейінгі айлық есептік көрсеткіш түріндегі жазаны көздейтінін мәлімдеді.
Semeynews.kz
