ШҚО ПД баспасөз қызметінің хабарлауынша, Аягөз ауданы полиция бөлімінің көші-қон қызметі бөлімшесіне жеке сот орындаушысының өз балаларын асырауға алимент төлемеген 38 жастағы борышкерді іздеуге беру туралы қаулысы келіп түсті.
Іздестіру іс-шаралары барысында көші-қон қызметі бөлімшесінің қызметкерлері іздестіру ісін ашпастан, 24 сағат ішінде алимент төлеуден жалтарушының жүрген жерін анықтаған. Аталған азаматтың 800 000 теңгеден астам сомаға 2 баланы күтіп-бағуға 1 жылдан астам уақыт бойы алимент төлемегені мәлім болды. Ер адам жұмыссыз қалуына байланысты, алиментті төлеуге мүмкіндігі болмағанын жеткізген. Енді қарызды өндіріп алумен сот орындаушылары айналысады.
Көші-қон қызметі атқарушылық құжатты орындамағаны үшін заңда әкімшілік (ҚР ӘҚБК-нің 669-бабы) және қылмыстық жауапкершілік (ҚР ҚК-нің 139-бабы) көзделгенін ескертеді.
Semeynews.kz
