Өскемен қаласы ПБ көші-қон қызметіне жеке сот орындаушысынан өзінің кәмелетке толмаған төрт баласына 2 500 000 теңгеден астам қарыз болған, алимент төлеуден жалтарған 50 жастағы азаматқа іздеу жариялау туралы қаулысы келіп түсті. Борышкер белгісіз себептермен төлем жасамай қашып жүрген екен.
- Іздестіру іс-шаралары барысында көші-қон қызметінің қызметкерлері қысқа мерзімде Өскемен қаласында алимент төлемеушінің орналасқан жерін анықтады. Іздеудегі азамат алимент бойынша қарызын полицейлер тапқан күні толық көлемде төледі,- деді ведомствода.
Жыл басынан бері полиция қызметкерлері алимент төлемеген 350-ден астам адамды анықтады.
Көші-қон қызметі атқарушылық құжатты орындамағаны үшін заңда әкімшілік (ҚР ӘҚБК-нің 669-бабы) және қылмыстық жауапкершілік (ҚР ҚК-нің 139-бабы) көзделгенін ескертеді.
Semeynews.kz
