Семейде балалар арасында ЖРВИ өршіп тұр

Оның үстіне, ауырудың жартысанан көбі 14 жасқа дейінгі балалар арасында тіркелуде. Бұл туралы Семей қаласының аймақтық коммуникациялар қызметінде өткен баспасөз-конференциясында ШҚО денсаулық сақтау басқармасының Семей қаласы бойынша бас педиатры Мәдениет Дайрабаева мәлімдеді.

• Облыс бойынша 586 жатын орын бар, оның 352-і – педиатриялық, 234-і – инфекциялық. Алайда, қараша айының басында Семейде тыныс алу жүйесіндегі ауырумен науқастанған балалар төсек қорының жетіспеушілігі қалыптасты. Эпиджағдайдың нашарлауына байланысты, Семей қаласындағы балалар стационарларына 4 және 5 қарашада мониторинг жүргізілді. Мониторинг барысында анықталды: 1 жасқа дейінгі балалар көп түсуде, олардың арасында 3 айға дейінгі балалар басым, – деп хабарлады Мәдениет Дайрабаева.

Эпидемиологиялық жағдайды ескере келе, ШҚО денсаулық сақтау басқармасының бұйрығымен қосымша 50 төсек ашылды және балаларды жас шамасына байланысты бөлу жүргізілуде. Семей қаласындағы «Венера» мекемесінде ЖРВИ/пневмания асқынған 29 күннен 2 жасқа дейінгі балаларды жатқызу профилі үшін 30 балалар төсек-орындары орналастырылды. Сонымен қатар Семейдегі № 2 қалалық ауруханада 2 жастан 18 жасқа дейінгі балаларға арналған  қосымша 20 төсек-орын орналастырылды.

• Бүгінгі таңда алғашқы медико-санитарлық көмек көрсету жұмыстары, үйде көмек көрсету, біріншіден бір жасқа дейінгі және бес жасқа дейінгі балаларға жедел-жәрдем және емхананың мобильді бригадасын шақырту бойынша жұмыстар күшейтілді. Сондай-ақ ата-аналарды, балаларды дәрігердің тағайындауынсыз өздігімен емдемеуге және өздігімен антибиотиктер және басқа да дәрілер алмауға шақырғым келеді, – деп қорытындылады Мәдениет Дайрабаева.

Semeynews.kz