Семей қ. ПБ баспасөз қызметінің мәліметіне сүйенсек, ағымдағы жылдың 10 қазанында Орталық полиция бөліміне 19 жастағы жігіт жүгініп, танысы алдау жолымен оның атына несие рәсімдегенін хабарлаған.
- Анықталғандай, ағымдағы жылдың сәуір айында сауда үйлерінің бірінде танысы оның сеніміне кіріп, сауалнамалық мәліметтерін пайдаланып, оның атына 240 000 теңгеге тауарлы несие рәсімдеген. Жедел-іздестіру шарасы барысында бұрын сотты болмаған, еш жерде жұмыс істемейтін 21 жастағы ер азамат ұсталды. Ол өз кінәсін толықтай мойындады, қазіргі уақытта ҚР ҚК 190-бабының 1-бөлігі бойынша сотқа дейінгі тергеу жүргізілуде, – деп түсіндірді ведомствода.
Semeynews.kz
