Облыстық ТЖД баспасөз қызметінің мәліметінше, алғашқы оқиға бүгін таңертең 08 сағат 35 минутта тіркелген. Ақсу қаласының «Нұрлы жол» автожол көпірінде 1989 жылы шыққан Mersedes Benz автокөлігі толығымен жанып кетті.
– Көлік Павлодардан Ақсу қаласына бара жатқан. Өрттің жалпы ауданы 6 шаршы метрді құрады. Өрт 09 сағат 49 минутта жойылды. Оқиға орнында Ақсу қаласының № 12 өрт сөндіру бекеті құрамынан 3 адам және бір техника жұмыс істеді. Ақсу қаласының ең жақын өрт сөндіру бекеті мен оқиға орнына дейінгі қашықтық 8 км құрайды, – дейді департаментте.
Сондай-ақ, 10 сағат 28 минутта «101» пультіне Мир және Генерал Дүйсенов көшелерінің қиылысында өрт шыққаны туралы хабарлама түскен.
Ашық аумақта Volkswagen Passat автокөлігінің мотор және салонның алдыңғы бөліктерінде, жалпы ауданы 4 шаршы метр төбедегі орындықтардың ішінара қаптамалары жанған. Тілсіз жауды ауыздықтауға жеке құрамнан 2 адам және бір техника жұмылдырылды.
Semeynews.kz
