ШҚО ПД баспасөз қызметінің хабарлауынша, Өскемен қ. ПБ «102» жедел арнасына 23 жастағы қала тұрғыны жүгініп, 2021 жылғы 6 тамызда техникалық қызмет көрсету орталығындағы «Mercedes» автокөлігін рұқсатсыз теуіп кеткенін хабарлаған. Келтірілген залал 1 200 000 теңгені құрады.
Хабарлама түскеннен кейін патрульдік полиция инспекторлары «қармау» жоспарын жариялап, қаскөй Шемонаиха қаласында ұсталды.
- Тексеру барысында жәбірленуші көлігін ТҚКС-ға жөндеуге қалдырып, қайтып келгенннен кейін көліктің жоқтығын анықтаған. Көлікті рұқсатсыз теуіп кеткен 30 жастағы ер адам осыған дейін жүргізу құқығынан айырылғаны анықталды. Қаскөйді ұстау барысында ол мас күйінде болған. Күдікті кінәсін мойындады. Автокөлік Шемонаиха қаласындағы мамандандырылған тұраққа қойылды, – деп түсіндірді баспасөз қызметінде.
Ұсталған ер адам уақытша ұстау изоляторына қамалды.
Аталған факті бойынша ҚР ҚК-нің 200-бабының 1-бөлігі, 346-бабының 1-бөлігі бойынша сотқа дейінгі тергеу басталды.
Semeynews.kz
