Нұр-Сұлтанда жүгіруге шыққан әйелді зорламақ болған
Нұр-Сұлтанда жүгіруге шыққан әйелді белгісіз ер адам зорламақ болған. Елордалық полиция қызметкерлері күдіктіні қалдырған іздері бойынша қолға түсірген, деп хабарлайды Stan.kz ақпарат агенттігі Нұр-Сұлтан полиция департаментінің баспасөз қызметіне сілтеме жасап.
Полиция бөлімінде хабарланғандай, сағат 19:34-те “102” желісіне белгісіз ер азаматтың әйелді зорламақ болғанын, содан кейін беймәлім бағытқа қашып кеткені туралы хабарлама келіп түскен.
Полицейлер 42 жастағы әйелдің Бауыржан Момышұлы көшесімен жүгіруге кеткенін және оның артынан күдікті азаматтың еріп жүргенін байқағанын анықтаған. Жәбірленуші оның қолында пакет болғанын айтқан. Кейін белгілі болғандай, күдікті ойын жүзеге асырған соң киімін ауыстырып жасырынбақ болған.
“Алкогольдік ішімдікке мас болған қылмыскер әйелді қуып жетіп, жерге құлатып дөрекі күш қолдана бастаған. Бақытына орай, өтіп бара жатқан тұрғындар әйелдің қарсыласқан дауысын естіп, көмекке ұмтылған. Қамқор азаматтардың арқасында әйел аман қалған” ,- деп хабарлады полиция бөліміндегілер.
Қылмыскерді ұстау үшін полиция бөлімінің жеке құрамы бірден оқиға орнына жеткен. Күдікті жедел іздестіру кезінде қолға түсті. Шабуылдаушы тұрақты жұмыс орны жоқ 20 жастағы жігіт болып шықты. Әйел қылмыскерді таныған.
Аталған факті бойынша қылмыстық іс қозғалып, тергеу жүргізілуде. Күдікті уақытша ұстау изоляторына қамалды.
Semeynews.kz
