ҚазақстанҚылмысТОП
Түркістанда шенеунік кәсіпкерлерден пара алды деген күдікпен ұсталды
Түркістан облысының сыбайлас жемқорлықпен күрес қызметі ҚР Денсаулық сақтау министрлігі Санитарлық-эпидемиологиялық бақылау комитетінің облыстық департаменті «Кентау қалалық санитарлық-эпидемиологиялық бақылау басқармасы» РММ санитарлық-эпидемиологиялық бақылау бөлімінің бас маманына қатысты сотқа дейінгі тергеу жүргізуде, деп хабарлайды ҚазАқпарат.
Бұндай мәліметтер ҚР Сыбайлас жемқорлыққар қарсы іс-қимыл агентттігінің Telegram каналында жарияланды. Ондағы ақпаратқа қарағанда, аталған лауазым иесі Сovid-19 инфекциясының таралуына қарсы мемлекет қабылдап жатқан шараларға қарамастан, кәсіпкерлерден «Ашық» қосымшасын енгізу үшін оң санитарлық-эпидемиологиялық қорытынды берген және сол үшін 100 мыңнан 120 мың теңгеге дейін пара алған деген күдікке ілінді.
Күдікті ҚР Қылмыстық процессуалдық кодексінің 128-бабына сәйкес ұсталып, Түркістан қалалық полиция басқармасының изоляторына қамалды.
Күдіктіге қатысты түпкілікті үкімді оның кінәсінің дәрежесін анықтай отырып, сот шығарады.
Semeynews.kz
