Абай облысының прокуратурасы азаматтардың еңбек құқықтарын қорғау жұмыстарын күшейтуде
«Заң және тәртіп» қағидатын іске асыру аясында Абай облысының прокуратурасы мемлекеттік еңбек инспекциясы органдарымен, әлеуметтік қорғау департаментімен, сондай-ақ облыстық кәсіподақтар бірлестігімен бірлесіп «Qazaq Astyq Group» ЖШС және «Семей цемент зауыты» ӨК» ЖШС еңбек ұжымдарымен кездесулер өткізді.
Іс-шаралардың негізгі мақсаты – қызметкерлердің құқықтық мәдениетін арттыру, сондай-ақ олардың еңбек құқықтары мен заңды мүдделерін тиімді қорғауды қамтамасыз ету.
Кездесулер ашық диалог форматында, яғни сұрақ-жауап сессиялары түрінде өтті. Оның барысында қатысушылар еңбек қатынастарына қатысты өзекті мәселелер мен оларды қолдану тәжірибесі бойынша түсіндірмелер алды.
Мұндай іс-шараларды өткізу азаматтардың мемлекеттік органдарға деген сенімін нығайтуға, халықтың құқықтық сауаттылығын арттыруға, сондай-ақ қызметкерлер мен жұмыс берушілер арасындағы өзара іс-қимылды дамытуға ықпал етеді.
