«Сыбайлас жемқорлыққа қарсы айтарым» атты студенттер форумы өтті
Геологиялық барлау колледжінде «Сыбайлас жемқорлыққа қарсы айтарым» студенттер форумы өтті. Іс-шара Абай облысының ішкі саясат басқармасының тапсырысы бойынша, «Тәуелсіз зерттеу орталығы» қоғамдық бірлестігі, Қазақстан Республикасы Сыбайлас жемқорлыққа қарсы іс-қимыл агенттігінің Абай облысы бойынша департаментінің қолдауымен ұйымдастырылды.
Шараның негізгі мақсаты – жастар арасында сыбайлас жемқорлыққа қарсы күрес мәселелері, сондай-ақ шешендік өнерді дамыту, қоғамдағы әділдік, адалдық мәселелерін көтеріп, сыбайлас жемқорлыққа қарсы күреске үн қосуға атсалысу.
Форум жастар арасында сыбайлас жемқорлыққа қарсы іс-қимыл және шешендік өнерді дамыту мәселелеріне қоғам назарын аудару мақсатында өткізілді. Іс-шараға колледж студенттері қатысып, 12 жеңімпаз өз жобаларын конкурс тақырыбы шеңберінде дайындап, ұсынды. Олардың арасында Аягөз политехникалық колледжі, Жоғары гуманитарлық-заң және техникалық колледжі, Бородулиха колледжі, Үржар колледжі және т.б. колледждің студенттері бар.
Қазылар алқасы қатысушылардың өнерін аргументтілігі және логикасы, эмоционалдық көркемдігі, ораторлық шеберлік техникасы бойынша бағалады.
Форум соңында байқау жеңімпаздары мен жүлдегерлеріне алғыс хаттар мен дипломдар табыс етілді.
