Ақсуатта аудандық маңызы бар жолдар жөнделуде
Ақсуат ауданында аудандық маңызы бар жолдарды жөндеу бойынша ауқымды жұмыстар жүріп жатыр. Мердігер «СК Зайсан» ЖШС Кіндікті ауылына апаратын жолдың 12-24 шақырымында жұмыс жүргізді. Мұнда 7,5 шақырым жаңа асфальт жабыны төселді. Сондай-ақ, Сәтбаев пен Көктүбек ауылдары арасындағы 9 шақырым жолды жөндеу аяқталды.
Ақсуат ауылындағы Т.Қалмақбаев көшесін жөндеу «ПМК Құрылыс» ЖШС-мен келісім-шарт жасалды. Жол жамылғысын тегістеу жұмыстары аяқталып, 3,1 шақырым учаскеге жаңа асфальт төселді. Сонымен қатар, Қызылжұлдыз ауылына кіре берістегі 3,6 шақырым жолға орташа жөндеу жұмыстары аяқталды.
Бұдан бөлек, Ойшілік ауылына кіре берісте ұзындығы 2,4-9,6 км жол учаскесіне жөндеу жұмыстары жүргізілді. Мердігер – «Өскемен Тазалық» ЖШС. Қазір тазалау және жол жамылғысының негізгі қабатын дайындау жұмыстары жүргізілуде. Жұмыстар 2025 жылы аяқталады.
