Ауыл шаруашылығы дақылдарының егіс көлемі 749,5 мың гектарды құрады
Инновациялық тәсілдің арқасында егіс көлемі ғана емес, одан алынатын өнім де артып келеді. Облыста астық жинау науқаны 10 тамызда басталды.
Биыл ауыл шаруашылығы дақылдарының егіс алқабы 749,5 мың гектарды құрады. Оның ішінде 299 мың га дәнді және бұршақ дақылдар, 295,8 мың га майлы дақылдар (оның ішінде күнбағыс 290,1 мың га немесе өткен жылғы деңгейден 101,6%), жемшөп 143,5 мың га (113,8%), 5,8 мың га картоп, 5,4 мың гектар көкөністер мен бақша дақылдары.
Жалпы облыс бойынша 19 тамыздағы мәліметке сүйенсек дәнді және бұршақ дақылдарының 9,4%-ы, картоптың 5,1%-ы, көкөніс пен бақша дақылдарының 10%-ы жиналды.
2024 жылы элиталық сорттарды пайдалану 8,3%-ға дейін өсті, бұл 2023 жылмен салыстырғанда 0,8%-ға жоғары. 12,5 мың га алқапта немесе жоспардың 95,4% (жаңбырлатып суару – 11,2 мың га, тамшылатып суару – 1,3 мың га) су үнемдеу технологиялары қолданылуда.
Сонымен қатар, облыста ауыл шаруашылығы тауарын өндірушілерді қолдау шаралары белсенді жүзеге асырылуда. 2024 жылы жалпы сомасы 6 млрд теңгені құрайтын заманауи су үнемдеу технологияларын қолдану арқылы 7 жобаны жүзеге асыру жоспарлануда. Бұл ретте 5,4 мың гектар жаңа суармалы жер айналымға енгізіледі.
