Ақсуат аудандық ауруханасында жаңа бейнеэндоскопиялық кешен енгізілді
“Ауылдық денсаулық сақтауды жаңғырту” Ұлттық бағдарламасы аясында Ақсуат аудандық ауруханасында диагностикалық мүмкіндіктерді кеңейтетін және дәл сол жерде рәсімдерді жүргізуді қамтамасыз ететін жаңа бейнеэндоскопиялық кешен енгізілді, – деп хабарлайды Semeynews.kz.
Бұл жабдық дәрігерлерге асқазан-ішек жолдарының ауруларын, соның ішінде ісіктер мен геморрой ауруын анықтау үшін эндоскопиялық процедураларды жүргізуге мүмкіндік береді, сондай-ақ жергілікті тұрғындарға медициналық көмектің қолжетімділігі мен сапасын арттырады.
“Жаңа жабдықты пайдалана отырып, мұндай медициналық тексерулер МӘМС есебінен тегін жүргізіледі және барлық тұрғындар үшін қолжетімді. Біз ауруханада гистологиялық немесе цитологиялық зерттеу жүргізу арқылы асқазан-ішек жолдарының кез-келген бөлігіне биопсия жасай алатын болдық”, – деді хирург-эндоскопист Ринат Нұрқасымов.
МӘМС қаражаты есебінен тұрақты қаржыландыру және облыстың денсаулық сақтау басқармасымен ынтымақтастық ауылдық жерлердегі тұрғындарды сапалы медициналық қызметтермен қамтамасыз ете отырып, медициналық инфрақұрылымды жаңғыртуды жүзеге асыруға мүмкіндік береді.
Semeynews.kz
