![](https://semeynews.kz/wp-content/uploads/2024/02/74f24d63-f99a-4985-986d-c16a3e20a4be-780x470.webp)
Қасым-Жомарт Тоқаев «Болашақтың ойындары» халықаралық турнирінің ашылу рәсіміне қатысты, деп хабарлайды Ақорданың баспасөз қызметі.
Президент ресми мінберден «Болашақтың ойындары» турнирінің салтанатты ашылу рәсімін тамашалады.
![тоқаев тоқаев](https://img.inform.kz/kazinform-photobank/media/2024-02-21/a8bae0e3-fa4a-4433-be25-d5eb4a977edf.jpeg)
Ресейдің мемлекеттік әнұраны орындалғаннан кейін Владимир Путин жарысты ашық деп жариялады.
Қазақстан Президенті турнир қатысушыларына сәттілік тіледі.
![Касым-Жомарт Токаев посетил церемонию открытия «Игр будущего» Касым-Жомарт Токаев посетил церемонию открытия «Игр будущего»](https://img.inform.kz/kazinform-photobank/media/2024-02-21/88afd2f7-5da6-4331-a249-b911c8f4f8c5.jpeg)
– Құрметті Владимир Владимирович, ең алдымен, Сізге зор ризашылық білдіргім келеді. Бұл – бірегей ойын. Дүниежүзінде мұндай ойынның баламасы жоқ. Баршаңызға сәттілік тілеймін. Келесі ойынды Қазақстанда өткізейік, – деді Қасым-Жомарт Тоқаев.
![болашақтың ойындары ресей](https://img.inform.kz/kazinform-photobank/media/2024-02-21/bea796aa-c260-4809-894e-4627dc9c6fd3.jpeg)
Сонымен қатар Беларусь, Қырғызстан, Тәжікстан және Өзбекстан президенттері киберспортшыларға ізгі тілектерін жолдады.
Содан соң жарысқа қатысушы мемлекеттер туларының шеруі өтті.
«Фиджитал-концепцияға» негізделген турнирдің форматы физикалық белсенділікті, заманауи технология мен цифрлық ортаны ұштастырады.
![болашақтың ойындары ойын](https://img.inform.kz/kazinform-photobank/media/2024-02-21/1310c51b-3e11-413a-820e-19569c95c26d.jpeg)
Шоу барысында спорт, стратегия, тактика, технология, жылдамдық секілді 5 топқа біріктірілген сайыс түрлері таныстырылды.
Ойындардың бағдарламасына классикалық спорт түрлері мен олардың 21 цифрлық баламалары бойынша гибридті спорттық жарыстар енгізілген.
Ұйымдастырушылардың мәліметі бойынша турнирге 100-ден астам елден 2 мыңға жуық киберспортшы келген.
Қазақстанның ойыншылары мен командалары спорттың 13 түрі бойынша сайысқа түседі. Жалпы бұл турнирге еліміздің 48 өкілі қатысады.
![болашақтың ойындары ақорда](https://img.inform.kz/kazinform-photobank/media/2024-02-21/99afaa15-f942-40ec-9ef0-950a247b2526.jpeg)