Абай облысының стационарларында МӘМС қаражаты есебінен 73 мыңға жуық науқас емделді

Жалпы алғанда ТМККК шеңберінде пациенттердің тек 16%-ы ғана емделгенде МӘМС шеңберінде стационарларда пациенттердің 85%-дан астамы емделді деп Қор филиалының басшысы Ғалымжан Әбілов ӨКҚ брифингінде хабарлады.

“ӘМСҚ” КЕАҚ өңірлік филиалы халықты сапалы және қолжетімді медициналық қызметтермен қамтамасыз ете отырып, медициналық қызмет көрсету жүйесін жетілдіруді жалғастыруда. 2023 жылы Қор Денсаулық сақтау жүйесін жақсартуға қомақты қаржы бөлу арқылы өз тиімділігін көрсетті.

Абай облысының тұрғындарына медициналық қызмет көрсету аясында шамамен 84 млрд теңге бөлінді, оның ішінде ТМККК – 47 млрд теңге, МӘМС– 37 млрд теңге. Қаражат медициналық көмектің әр түрлі түрлеріне, соның ішінде алғашқы, консультациялық-диагностикалық, мамандандырылған көмекке және дәрі-дәрмекпен қамтамасыз етуге бағытталған.

Өңір тұрғындарын қалпына келтіру және оңалту үшін 5 млрд теңгеден астам сомаға 931 203 қызмет төленгенін қосамыз. 276 млн теңгеден астам сомаға 14 368 КТ қызметі, 235 млн теңгеден астам сомаға 9 357 МРТ қызметі, 894 млн теңгеден астам сомаға 3261 ПЭТ қызметі, 2,6 млрд теңгеден астам сомаға 886 жоғары технологиялық медициналық қызмет көрсетілді. Медициналық ұйымдарға облыс халқына консультациялық-диагностикалық көмекке 2023 жылы 9 млрд теңге төленді.
Жалпы МӘМС шеңберінде стационарларда 17 млрд теңгеден астам сомаға 73 мыңға жуық жағдай емделді, ТМККК бойынша 3,4 млрд теңге сомасына 12 020 жағдай ғана болды.

Қызметтерге ақы төлеу мониторинг жүргізілгеннен кейін ғана жүргізілетінін атап өту керек, бұл медициналық көмектің стандарттары мен ережелеріне сәйкестігіне кепілдік береді. 2023 жылы жеткізушілер тарапынан бұзушылықтардың алдын алу мақсатында жүргізілген проактивті мониторингтің көмегімен 539 ықтимал ақаулар анықталды. Ағымдағы мониторинг нәтижелері бойынша есепті кезеңде Қор филиалының сарапшылары 7 мыңнан астам ақауларды анықтады, айыппұлдарды ескере отырып, сома 485,8 млн теңгені құрады. Абай облысының медициналық ұйымдары айыппұлдарды ескере отырып, МӘМС бойынша 35 млн теңгеден астам сомаға 600-ден астам жалған қызмет көрсетті.

Филиал жұмыс тиімділігін қамтамасыз ету үшін пациенттерді қолдау қызметтері және кері байланыс арқылы халықпен белсенді түрде өзара әрекеттеседі. Бұл медициналық қызмет көрсету сапасын жақсарта отырып, мәселелерді тез және нәтижелі шешуге мүмкіндік береді.

Медициналық сақтандыру жүйесін үнемі жетілдіру Абай облысының барлық тұрғындары үшін медициналық қызмет көрсетудің жоғары деңгейін қамтамасыз етеді.

Semeynews.kz