Егер аймақтағы эпидемиологиялық жағдай тұрақталса және санитарлық дәрігердің рұқсаты болса, қала сыртындағы лагерлер тек 50% толтырылыммен жұмыс істейтін болады. Сондай-ақ, аз қамтылған және көп балалы отбасылардан шыққан балалардың демалысын ұйымдастыру жоспарлануда. Мектеп жанындағы лагерлердің жұмысы әлі де белгісіз. Дегенмен, олар оқушылармен онлайн және офлайн форматта кездесуге дайындалуда.
– Өткен жылы мектеп жанындағы лагерлер алғаш рет онлайн форматта жұмыс істеді. Оларда мектеп сайты, бағдарламасы бар. Онлайн лагерді өткізуде ерекше қиындықтар болған жоқ. Өйткені балалар қашықтықтан білім алуға бейімделді. Сондықтан биыл да қиындықтар болмайды деп ойлаймын. Әзірге эпидемиологиялық жағдай қандай болатынын күтеміз, – дейді қалалық білім бөлімінің әдіскері Сәуле Дүйсембекова.
Бүгінгі таңда Семейде үш лагер жұмыс істейді. Олардың екеуі, яғни “Радуга” және “Жас қанат” білім бөліміне қарайды. Ал, “Түрксібке 50 жыл” лагері сенімгерлік басқаруда.
Semey News
