Жыл басынан бері Абай облысында интернет-алаяқтықтың 1500 фактісі тіркелді
Жедел-іздестіру іс-шаралары барысында Абай облысы Полиция департаментінің қызметкерлері өңір тұрғындары жасаған бірқатар интернет-алаяқтықтарды ашты, – деп хабарлайды Semeynews.kz.
Семей қаласының тұрғындары интернет-алаяқтықты тұрақты табыс көзіне айналдырып, терезе пластиктерін жасау және орнату сылтауымен өз сатып алушыларын алдап, алаяқтық жолмен банктік шоттардың көрсетілген деректемелеріне қызмет ақысын төлеуді сұраған. Алайда, пластикалық терезе жеткізушілері тапсырыс берушілерге қызмет көрсетпеген.
Келтірілген залал көлемі 600 мың теңгеден асады.
Барлық фактілер бойынша ҚР ҚК 190-бабы 3-бөлігі (Алаяқтық) бойынша сотқа дейінгі тергеу басталды.
Қазіргі уақытта олардың басқа қылмыстарға қатыстары бар-жоғын анықтауға бағытталған жедел-тергеу іс-шараларының кешені жүргізілуде.
Ақпараттық технологияларды біздің өміріміздің барлық аспектілеріне кеңінен енгізу киберқылмыстың, әсіресе интернеттегі алаяқтықтың өсуіне әсер етуде.
Жыл басынан бері осындай 1500 қылмыс тіркелген.
Semeynews.kz
