Е.Әбілқасымов Абай облысының дене шынықтыру және спорт басқармасы басшысының міндетін уақытша атқарушы лауазымына тағайындалды

Облыс әкімінің өкімімен Абай облысының дене шынықтыру және спорт басқармасы басшысының міндетін уақытша атқарушы лауазымына Ержан ӘБІЛҚАСЫМОВ конкурстық рәсімдер өткізілгенге дейін тағайындалды, – деп хабарлайды Semeynews.kz.

Ержан Әнуарбекұлы бүкіл өмірін спортқа арнады. «Семей» мемлекеттік университетінің дене шынықтыру және спорт мамандығы бойынша бітірген. Дене шынықтыру және спорт магистрі, PhD докторы.

Семей қаласының Шәкәрім атындағы университетінде 2001 жылдан бастап «Дене шынықтыру және спорт» кафедрасының аға оқытушысы, 2016 жылдан 2022 жылға дейін осы кафедраның қауымдастырылған профессорының міндетін атқарушы болып жұмыс істеді.

Ресей Ғылым академиясында Халықаралық ғылыми тағылымдамадан өтті.

ҚР БҒМ Ұлттық ғылыми-практикалық дене шынықтыру орталығының төс белгісімен, ҚР Ұлттық Олимпиада комитетінің Құрмет белгісімен марапатталған.

Semeynews.kz