ШҚО ТЖД баспасөз қызметінің хабарлауынша, Кулунжун мемлекеттік табиғи қорығының аумағында құрғақ шөптің өртенуі орын алды. Қатты соққан жел өрттің үлкен аумаққа таралуына себепкер болды.
Қазіргі уақытта тілсіз жаумен күрес жалғасуда, алдын ала болжам бойынша өрттің жалпы ауданы 100 га. Өртті сөндіруге ШҚО ТЖД күштері, жергілікті атқарушы органдар, орманшылар тартылды. Жалпы жеке құрамнан 50 қызметкер және 9 бірліктегі техника жұмылдырылды.
Жақын жердегі құм төбелер, жел қатты соғуы және жақын маңда судың жоқтығы өрт сөндіруді қиындатуда.
Екінші өрт учаскесі «Асубұлақ орман шаруашылығы» КММ аумағында орын алды. Бұл жерде жалпы ауданы 50 га құрайтын құрғақ шөп өртенуде. Тілсіз жаумен күреске жеке құрамнан 149 қызметкер және 28 бірліктегі техника жұмылдырылды.
Сонымен қатар өртті сөндіруге Өскемен қаласынан қосымша су себетін қондырғы орнатылған екі тікұшақ жолданды.
Semeynews.kz
