ШҚО ТЖД баспасөз қызметінің хабарлауынша, өскемендік құтқарушылар қоршауға қыстырылып қалған елікті құтқару жұмыстарын жүргізді.
Машиностроителей көшесіндегі жер үйлердің бірінің тұрғындары үй ауласынан елікті байқаған. Бейшара жануар ауладағы қоршауға қыстырылып қалған, мүйізі сынып көп қан жоғалтқан. Еліктің жағдайы ауыр.
Алғашында тұрғындар мен волонтерлер жануарға көмектесу үшін бар күшін салды, содан кейін ветеринарларға және құтқарушыларға жүгінді. “Зоовита” клиникасының ветеринары жануарды қарады және оған көмек көрсетті. Елікті жергілікті хайуанаттар бағына жеткізу туралы шешім қабылданды. ШҚО ТЖД құтқарушылары арнайы техникамен зардап шеккен төрт аяқтыны хайуанаттар бағына жеткізді.
Semeynews.kz
