ҚоғамСемейТОП
Семейлік полицей «2021 жылдың үздік учаскелік полиция инспекторы» атағына республикалық байқауында ІІ орын алды
2021 жылдың желтоқсан айында Қазақстан Республикасы Ішкі істер министрлігі «2021 жылдың үздік учаскелік полиция инспекторы» атағына республикалық байқау ұйымдастырды, деп хабарлайды Semeynews.kz.
Семей қ. ПБ баспасөз қызметінің хабарлауынша, республикалық байқауға Шығыс Қазақстан облысы атынан «Үздік қалалық учаскелік полиция инспекторы» номинациясында «Үздік учаскелік полиция инспекторлары» облыстық байқауының жеңімпазы танылған, ШҚО ПД Семей қалалық полиция басқармасы Затон полиция бөлімінің аға учаскелік полиция инспекторы полиция майоры Дастан Рамазанұлы Буланов қатысты.
2021 жылғы 14-19 желтоқсан аралығында өткен жалпы халықтық дауыс беру қорытындысы бойынша Д.Р.Буланов республикалық рейтингте ІІ орынға шықты. Қазақстан Республикасы Ішкі істер министрінің Құрмет грамотасымен және «2021 жылдың үздік учаскелік полиция инспекторы» төс белгісімен марапатталды.
Semeynews.kz
