ШҚО ПД баспасөз қызметінің мәліметіне сүйенсек, оқиға 1 желтоқсан күні сағат 22:20 шамасында Қабанбай батыр және Гете көшелерінің қиылысында орын алған.
“29 жастағы Land Rover көлігінің жүргізушісі реттелмейтін жаяу жүргіншілер өткелінен өтіп келе жатқан 2 жаяу жүргіншіні қағып, оқиға орнынан қашып кетті. Жол-көлік оқиғасы салдарынан 20 жастағы жігіт оқиға орнында көз жұмды, 16 жастағы қыз түрлі дене жарақаттарымен ауруханаға жеткізілді”, – деп түсіндірді полицияда.
Жүргізуші ұсталды, уақытша қамау изоляторына қамалды. Аталған факті бойынша ҚР ҚК 345-бабының 3-бөлігі және 347-бабы бойынша сотқа дейінгі тергеу басталды. Сот сараптамалары тағайындалды, тергеу жалғасуда.
Semeynews.kz
