Білім күні – бұл барлық оқушылар, студенттер, олардың ата-аналары, сондай-ақ мұғалімдер мен оқу орындарының оқытушылары үшін салтанатты сәт. Бұл күн мектепке алғаш баратындар үшін ең қызықты және есте қаларлық күн.
Шығыс Қазақстан облысының барлық мектептерінде 1 қыркүйекке қауіпсіздік арттырылады. Осылайша, ІІО-ның 900-ден астам қызметкері салтанатты жиындар өткізу кезінде қоғамдық тәртіпті күзетеді. Сондай-ақ, жаңа оқу жылы қарсаңында полиция қызметкерлері оқу орындарын олардың қауіпсіздігін қамтамасыз ету тұрғысынан тексерді. Оқу орындарында орнатылған дабыл сигнализациясы жүйелерінің жарамдылығын, бейнебақылау камераларының жұмысын, объектілердің инженерлік-техникалық нығайтылуын тексерді.
Semeynews.kz
