ШҚО ТЖД баспасөз қызметінің хабарлауынша, Назарбаев даңғылы бойындағы 5 қабатты үйлердің бірінің бесінші қабатында орналасқан пәтерде өрт болған.
- Оқиға орнына келген құтқарушылар баспалдақ алаңынан 1971 жылы дүниеге келген ер адамды байқаған. Ер адамды құтқарушылар келгенге дейін, көршілері Роман Томилов және Артур Зубко пәтер есігін бұранда арқылы ашып, түтінге оранған пәтерден алып шыққан. Медицина катастрофа Орталығы дәрігерлерінің қарауынан кейін, зардап шеккен ер адам жану өнімдерінен улану белгілерімен жедел-жәрдем ауруханасына жатқызылды, – деді баспасөз қызметінде.
Белгілі болғандай, зардап шегушінің мүмкіндігі шектеулі болып шықты. Құтқарушылармен 2 шаршы метр алаңдағы өрт сөндірілді. Өрт шығуының алдын ала болжамы – отты ұқыпсыз пайдалану.
Semeynews.kz
