Абай облысының Көкпекті ауданында ауыз сумен қамтамасыз етілген ауылдардың саны артуда
Бүгінгі күні Көкпекті ауданында Көкпекті, Теректі, Тассай, Үлкенбөкен, Үлгілімалшы, Ажа, Көкжайық ауылдары орталықтандырылған сумен қамтамасыз етілген, – деп хабарлайды Semeynews.kz.
«Қуатты өңірлер – ел дамуының драйвері» ұлттық жобасы аясында Көкпекті ауданында: ұзындығы 10 290 м. – Биғаш, 13 739 м. – Шұғылбай, 7 472 м. – Шәріптоғай, 8 002 м. – Мамай, 6 407 м. – Қарамойыл ауылында «Life Story Invest» ЖШС мердігер ұйымы су құбырының тарту жұмыстарын жүргізіп жатыр.
Бұдан бөлек аудандағы Ақой, Ажа, Толағай, Үкіліқыз ауылында су құбыры желілерін тартуға жобалық-сметалық құжаттама әзірленді.
Анықтама үшін: Көкпекті ауданында 17 ауылдық округ және 56 елді мекен бар. Онда 27 мыңнан астам адам тұрады. Оның ішінде 35 елді мекен орталықтандырылған сумен қамтамасыз етілген.
Semeynews.kz
