Семейліктердің пәтерлерінде жылу болады ма?

Өткен аптада алғашқы аяз соғып, пәтерлерде айтарлықтай суық болды. Шенеуніктер әлеуметтік нысандар мен көпқабатты үйлерді жылумен жабдықтауға қосу туралы баяндаған болатын. Бірақ қаланың көптеген аудандарында уәде етілген жылуды қосу тек қағаз жүзінде қалды, – деп хабарлайды Semeynews.kz.

Жылыту маусымы басталар алдында семейліктерге жылумен жабдықтау қарыздары туралы еске салынды. Қалалық тұрғын үй-коммуналдық шаруашылық бөлімінің хабарлауынша, дебиторлық берешек 400 миллион теңгеден асады, оның 180 миллионы – заңды тұлғалардың қарыздары.

“Қазір заңды тұлғалармен борышты сот тәртібімен өндіріп алу мәселесі пысықталуда. Көпшлігі қарыздарын толық өтегенге дейін жылудан ажыратылды. Қазір тұрғындармен үнемі мониторинг және рейдтік іс – шаралар жүргізілуде”, – деп түсіндірді ТКШ бөлімінде.

Келесі күні қалалық әкімдік ресми хабарлама таратты: “Ауаның орташа тәуліктік температурасының төмендеуіне байланысты Семей қаласының әкімдігі 29.09.2022 жылдан бастап жылумен жабдықтау жүйесін іске қосуды және қала объектілерін жылытумен қамтамасыз етуді бастау туралы шешім қабылдады. Бірінші кезекте әлеуметтік нысандар (балабақшалар, мектептер, ауруханалар және т.б.) жылумен қамтамасыз етіледі. Қосылу кезең-кезеңмен жүзеге асырылады”, – делінген.

Семей тұрғындары қуанды, бірақ қуаныштары ұзаққа созылмады. 35, 72, 20 кварталдардағы және Қарағайлы ықшам ауданындағы пәтерлерден басқа үйлердің батареяларында жылу байқалмады. Сол жағалау мен қаланың орталық бөлігінің тұрғындары пәтерлерінде тоңып жүруге мәжбүр. Оларға әлеуметтік желілерде түсініктеме жазудан басқа амал қалмады:

“Сәлеметсіз бе, құрметті Семей қаласының әкімдігі және Семей қаласының ТКШ бөлімі. Мен сол жағалаудағы барлық тұрғындарының атынан сұрақ қойғым келеді: Бізге жылуды қашан қосады? Біз қатып қалдық. Балалар балабақшаларда, мектептерде тоңуда. Пәтерлерде кішкентай балаларды жуындыру мүмкін емес. Көптеген жылыту құрылғылары қосылуларына байланысты  сымдарға үлкен жүктеме түсуде. Өрт туындау қаупі бар (Құдай сақтасын). Сіздер жылыту маусымына дайын екендеріңізді жаздыңыздар, нәтижесі: балалар ауыруда. Мен әкімге дәріхана мен жеке ауруханадан төлеу түбіртектерін төлеуге жіберуге дайынмын, өйткені мен 1 қазанда уәде етілген жылуды сезбедім. Бізге осы мәселе бойынша қандайда болмасын бір түсініктеме берсеіңіздер. Мүмкін суық жастық келбетін жақсы сақтайтын шығар, бірақ мен жылы жерде қартайғым келеді. Сізге құрметпен, мұздатылған сол жағалау тұрғыны”.

Абай облысының аймақтық коммуникациялар қызметінде өткен брифингте “Теплокоммунэнерго” МКК директоры Серік Төленбергенов барлық жылу көздері жұмыс істеп тұрғанын мәлімдеді. Қала бойынша барлығы 18 қазандық бар. “Сол жағалау тұрғындары көптен күткен жылуды қашан алады?” деген сұраққа кәсіпорын басшысы «жақын арада» деп жауап берді.

– 1-ЖЭО – ны іске қосу үшін мазутты қыздыру керек, оған 3-4 күн қажет. Сондықтан жақын арада ЖЭО-ны іске қосамыз, – деп сендірді Семей қаласының бас жылу энергетигі.

Жылу берушілердің айтуларынша, негізгі проблема жылу желілерінің тозуы болып табылады, бұл 62 пайызды құрайды. Қазандықтарды жаңғыртуға 67 миллиард теңге, ал жылу желілерін қайта жаңғыртуға 18 миллиард теңге қаражат қажет. Бұл қаражат жылу көзінен қала тұрғындарының үйлеріне жылу шығынсыз берілу үшін қажет.

– Бұл қаражат параметрлерді жақсарту және жылу шығынын азайту үшін қажет. Мемлекет басшысы бізді қолдады. Сондай-ақ, барлықтарыңызға белгілі, президент Семейде ЖЭО-3 салу туралы тапсырма бергенін бәріңіз білесіздбердіер, шамамен 2027 жылы біз оң жағалау тұрғындарының көпжылдық мәселесін шеше аламыз.

Семейліктер тек пәтерлердің жылынуын күту ғана қалды. Материал шығуға дайындалып жатқанда, сол жағалау тұрғындары пәтерлеріндегі батареялардың жылынғанын хабарлады. Серік Төленбергенов аптаның соңында барлық семейліктердің үйлеріне жылу беріледі деп сендірді.

Semeynews.kz